Matakustix – AUF DI Songtext

Advent Advent und i bin am End
Owa donn wonn die letzte Kerzen brennt
Donn gfrei i mi – Auf di
Wenn zum letzten Moi Last Christmas rennt
Und da Rauch aufsteigt vo meim Heißgetränk
Donn trink i – Auf di

Es fongt on im September, wenn der Summa endt
Und scho Werbung für Lebkuchenherzen hängt
Jeder hods eilig, weil des Joah bold vorbei is
Nix is mehr heilig!

Es ist Zeit für an Rückblick sogt mei Fotos App
Owa vor mir liegen 17 Wochen Weihnachtsstress
Weil jeder wü wos
Noch vor da stüh’n Nocht
Doch i wü nur Glühmost

Wia die Liada no Liada vom Christkindl woan
Und die Gschenkerl aus Huiz und ned aus Plastik gformt
I konn mi erinnern
Wir zomm in an Zimmer
Da Christbaum am Schimmern

Monches muass ma si tiaf im Herzen wohrn
Wonn die Kältn hereinbricht, wos haltet di worm?
Für mi bleibts für immer
Mei oids Kinder Zimmer
Von drauß’n des Schimmern

Wos bleibt – am End vom Advent
Is die Zeit – sie ist kostbor und rennt
Drum bleib – auf a klanes Getränk
Sei mei größtes Geschenk
zur Weihnochtszeit